Para abordar os retos económicos, ambientais, climáticos, sociais e demográficos aos que está a facer fronte Ames, e alcanzar os obxectivos presentados, propóñense as seguintes liñas de actuación que se condensan no plan de implementación da estratexia:
Aproveitar o potencial que ofrecen as novas tecnoloxías para facilitar o acceso da cidadanía á Administración municipal e aos servizos públicos en igualdade de condicións, reducindo con iso tanto a fenda social, como xeográfica, económica e xeracional.
Aproveitar o potencial que ofrecen as novas tecnoloxías para conseguir unha maior eficiencia na xestión dos recursos públicos.
Facilitar a conexión permanente entre O Milladoiro e Bertamiráns a través do transporte público e destes cos demais núcleos do concello a través do transporte a demanda, para facilitar o acceso de toda a cidadanía aos servizos e aos equipamentos do municipio.
Elaboración do PMUS de Ames e implantación dun sistema de transporte municipal sustentable entre Bertamiráns e O Milladoiro e un sistema de transporte a demanda para conectar o rural cos principais núcleos do concello de Ames
Crear alternativas de desprazamento peonil ou en bicicleta, evitando o uso obrigado de coche para as actividades da vida diaria, tales como o acceso aos colexios, e que, á súa vez favorezan a conectividade entre os núcleos de poboación.
Dotación de conexión peonil e en bicicleta entre os centros escolares e o centro dos núcleos urbanos do Concello de Ames (Bertamiráns e O Milladoiro)
Dotar o municipio dunha iluminación pública eficiente e de calidade, así como mellorar a xestión enerxética dos edificios públicos.
Incrementar o número de zonas verdes e espazos públicos de calidade en Ames e O Milladoiro
Crear unha oferta de servizos e equipamentos que se axusten aos intereses e ás necesidades da poboación nova e gerar dinamismo económico que permita xestar e manter postos de traballo.
Construción, con criterios de eficiencia enerxética, dun centro multidisciplinar de lecer, cultura e promoción económica dirixido á xente nova e ás persoas en risco de exclusión social. O centro construirase no Milladoiro, na avenida Muíño Vello, ao lado do parque empresarial e nas proximidades do instituto, a zona de lecer, o albergue e a igrexa.
Este centro debe entenderse como un espazo multidisciplinar para a convivencia, o intercambio, a colaboración, a formación e o desenvolvemento dunha cultura emprendedora e asociativa.
Ademais, o centro tamén se utilizará como espazo de reunión para diferentes grupos de amesáns (ANPAS, asociacións culturais, grupos desfavorecidos, grupos de música ou asociacións deportivas).
Proporcionarlles unha solución de vivenda de transición ás persoas do municipio que se encontran en risco de exclusión e en situación de carencia de aloxamento.
Intervención piloto de rehabilitación e reforma, con criterios de eficiencia enerxética dunha estancia, situada nun dos núcleos do municipio, coa finalidade de poder ofrecer unha solución de aloxamento temporal para as persoas en situación de vulnerabilidade.
Desenvolver en Ames un comercio de proximidade forte, de calidade, moderno e competitivo, que atraia maior consumo e anime as persoas residentes a consumir no municipio, e sexa capaz de manter e xerar emprego e autoemprego.
Fomento do emprego e o emprendemento:
Incrementar o índice de inserción laboral e social no municipio como requisito imprescindible para poder fixar poboación nel.
Programa de inserción de colectivos desfavorecidos: dotar as persoas, especialmente poboación feminina e inmigrante, en situación de desemprego, en busca de primeiro emprego ou en procesos de mellora de emprego, das competencias transversais/horizontais necesarias para poder consolidarse no mercado laboral, cunha maior orientación ás competencias en materia de tecnoloxías da información e a comunicación, sen ser exclusivas.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.