17 Ago Ames Emprega e Integra xa asesorou a case 350 persoas
A concelleira de Promoción Económica e Emprendemento, Ana Paz, puxo en valor esta iniciativa afirmando que “este é un programa clave para loitar contra o desemprego no Concello” e anuncia que “un dos ámbitos prioritarios de intervención do Concello de Ames é poñer en marcha actuacións en materia de prevención, detección e intervención da exclusión social”.
“Fixar poboación no concello é vital para cubrir as necesidades existentes, á vez que se lle brinda a primeira oportunidade laboral á mocidade ou a oportunidade de reinserción a persoas en idades complicadas para á hora de reincorporarse ao mercado laboral” finaliza Paz.
Nese senso, estase a desenvolver esta iniciativa de inserción laboral, que responde ás actuais demandas sociais de da cobertura a unha oferta formativa que incremente o índice de inserción laboral e social no municipio.
Ata o vindeiro mes de novembro impartiranse un total de 13 cursos de formación sectorial, a partir de setembro comezan dúas novas acción formativa correspondentes á preparación de competencias clave nivel 2 e á preparación de probas da ESO. Para participar nestes cursos, co-financiados polo Fondo Europeo de Desenvolvemento Rexional, é preciso ter a demanda de emprego de alta e residir en Ames.
Novas relacionadas:
El Correo Gallego: “Cursos de limpieza y atención al cliente en un programa que formó a 350 vecinos de Ames“